საქართველოს ნაკრების მეკარე, გიორგი მამარდაშვილი ესპანეთში დაბრუნდა, სადაც მას ბევრი ჟურნალისტი დახვდა. მათ აინტერესებდათ, დარჩება თუ არა მამარდაშვილი „ვალენსიაში“. მას ტელეკომპანია El Chiringuito-ს ჟურნალისტი ესაუბრა, რომელთანაც 23 წლის ქართველმა მეკარემ თქვა, რომ ჯერ არ იცის, დარჩება თუ არა კლუბში.
„ახლა გუნდთან ერთად მოსამზადებლად მივდივარ. თამაში მსურს, თუმცა სად ვიქნები, ჯერ არ ვიცი“- განაცხადა მამარდაშვილმა.
2024/25 წლის სეზონისთვის მოსამზადებელ ეტაპზე ქართველი მეკარის გუნდი 31 ივლისს გიორგი ქოჩორაშვილის „ლევანტეს“ შეხვდება.